Өндөр жишгийг чанд баримтлах талаар ажилтнууддаа байнга анхааруулж бай. "Хоёрдугаар зэрэглэл"-ийн бүтээгдэхүүнтэй эвлэрнэ гэдэг өөрийгөө алгуур хороосонтой ижил юм. Хамгийн гол нь хугацаанд нь гүйцэтгэж байхыг шаард. Үүний тулд амралтын өдрүүдээр ч, үүр цайтал суулгаж байсан ч хамаагүй хийлгэ. Хүн ажил хийсэнээрээ мууддаггүй, харин ч залхуу байдлаасаа бөхөж гиюрсэнээсээ өвчинд нэрвэгддэг. Тиймээс хаяа хамт олноороо шөнөөр сууж ажиллах нь тийм ч сүрдээд байх зүйл биш юм. Ингэхдээ мэдээжийн хэрэг, үлгэр жишээ үзүүлэх үүднээс та өөрийн удирдлага дор явуул. Хөлгийн ахмад онгоцоо хамгийн сүүлд орхиж байх учиртайг санаж яв.

Дайн, тахал, өлсгөлөн, дотоодын зөрчил мөргөлдөөн гээд л үй түмээрээ бий. Ийм бэрхшээлд гомдоллож суудаг хүмүүсийг бид мэднэ. Тэд бол хулчгар, эр зориг мохоо улс. Гэтэл бэрхшээлтэй нүүр тулах атлаа гомдол тоочоод байдаггүй хүмүүс бас бий. Энэ нь тэднийг улам хурцлах билүү мэт амьдралыг нь тэтгэж, хатан зоригтой болгодог болоод тэр" гэж хэлсэн байдаг.
 

Би заримдаа тэвчиж тэсвэрлэхийн аргагүй дарамт амсдаг байснаа нуугаад яахав. Ямар ч үр ашиггүй зүйлд маш их цаг хугацаа зарж байсанаас тэр л дээ. Жил бүрийн эхэнд юу хийж бүтээхээ яг таг бичиж төлөвлөчихөөд жилийн эцэст жагсаалтынхаа хэдийг хэрэгжүүлж чадсанаа шалгадаг бол муугүй юм байна лээ. "Мак-Кинзи" компани ажиллагсадаа дээрхи зарчмаар ажиллуулдаг бөгөөд төлөвлөгөөгөө хэр сайн гүйцэтгэснээр нь мөнгөн шагнал олгож урамшуулдаг