Step by Step гэсэн уриатай TESO Corporation-ийн хамт олон байгууллагын зөв соёл, зөв хандлагыг хөгжүүлэх зорилгын хүрээнд олон бүтээлч ажлыг хэрэгжүүлж байгаа бөгөөд энэ удаад Монголын Хүний Нөөцийн Институттэй хамтран "Зөв хандлага" сэдвийн хүрээнд сургалт семинар зохион байгууллаа.

TV5 телевизийн II сувгийн хамт олонд "Багийг чадавхижуулах" хөтөлбөрийн хүрээнд хэрэгжиж байгаа ээлжит сургалт "Багийн шийдвэр гаргалт" сэдвийн хүрээнд амжилттай зохион байгууллаа.

Төмөр замын замын удирдах газар жил бүр өөрийн байгууллагын хүний нөөцийн асуудал хариуцсан мэргэжилтнүүд зориулсан сухгалт зөвлөгөөнийг зохион байгуулдаг уламжлалынхаа хүрээнд энэ жил "Хүний нөөцийн хөгжил" сэдэвт сургалт семинарыг амжилттай зохион байгуулж байна. Тус арга хэмжээнд Монголын Хүний Нөөцийн Институтын ерөнхий захирал Д.Бартанбаатар урилгаар оролцож "Байгууллагын түлхүүр ажилтны хөгжлийн хөтөлбөр" сэдэвт илтгэл тавилаа.

Эрдэнэт үйлдвэр ХХК-ийн Хүний нөөцийн хэлтэсээс бүтэн жилийн турш зохион байгуулж байгаа "Хүний нөөцийн менежерүүдийн баг" төсөл ажлын тайлан болон "Хамтын хүч" өдөрлөг амжилттай болж өндөрлөлөө. Тус төсөлт ажлын хүрээнд Эрдэнэт үйлдвэрийн хүний нөөцийн хэлтсийн 44 менежер тодорхой зорилго зорилт бүхий 7 багт хуваагдаж олон шинэ шинэлэг санаа санаачлагыг гаргасанаас гадна байгууллагынхаа бодит нөхцөл байдалд шинжилгээ дүгнэлт хийж, шийдвэрлэх гарцыг хамтаа тодорхойлсон нь уг төслийн хамгийн гол бодит үр дүн байлаа.

Монголын Хүний Нөөцийн Институтээс ДЦС-4 ТӨХК дээр хэрэгжүүлж буй төслийн хүрээнд "Удирдлагын ур чадвар", "Нөөцийн бүрдүүлэлт" сэдэвт дэд хөтөлбөрүүд хэрэгжиж эхлэж байна. Дэд төслүүдийн хүрээнд холбогдох судалгаанууд болон чадавхижуулах сургалт семинарууд зохион байгуулагдах юм.

Монголын Хүний Нөөцийн Институтээс зохион байгуулж буй "HR UPDATE" -гишүүд дэмжигчдийн анхдугаар зөвлөгөөн амжилттай зохион байгуулагдаж өндөрлөлөө. Тус арга хэмжээнд институтын гишүүд, дэмжигчид болон хамтран ажиллагч байгууллагуудын төлөөлөл болох 100 гаруй компанийн 157 төлөөлөгч оролцлоо. HR UPDATE -гишүүд дэмжигчдийн зөвлөгөөнд МХНИ-н захирал Д.Бартанбаатар (www.mhri.mn), Гэрэг хууль зүйн төвийн захирал Н.Цогжавхлан (www.geree.mn), ММХНМХ тэргүүн- Доктор Ц.Цэцэгмаа (www.monhrm.mn), Синглтон ХХК-н Бизнес хөгжлийн захирал Х.Жавхлан (www.biznetwork.mn), Бизтрий цахим хуудас - Зөвлөхүүд (www.biztree.mn) урилгаар оролцож шинэ соргог мэдээ мэдээллүүдээсээ хуваалцлаа. Урилгаар оролцсон зөвлөхүүд болон сэтгэл зүрх, итгэл үнэмшлээрээ биднийг дэмжин оролцсон нийт мэргэжилтнүүддээ амжилт бүхний дээдийг хүсэн ерөөе.

“ТАВАН БОГД ТРЕЙД” ХХК -ийн удирдлагын багийн хамт олонд "Коучинг арга зүй" сэдвийн хүрээн сургалт семинар зохион байгууллаа. “ТАВАН БОГД ТРЕЙД” ХХК нь “Таван Богд Групп”–ийн толгой компани бөгөөд 1997 онд Группийн хэмжээнд бодлого стратегийг нэгдсэн байдлаар тодорхойлох, шинэ бизнесийг нээн хөгжүүлэх, хөрөнгө оруулалт болон охин компаниудад менежментийн дэмжлэг үзүүлэх зорилготойгоор байгуулагдсан.

Бид харилцагчаа дээдэлж, дэлхийн жишигт нийцсэн өндөр чанартай бүтээгдэхүүн, шилдэг найдвартай үйлчилгээг эрхэмлэж ажиллана хэмээн эрхэмлэх зорилгоо тодорхойлсон Намир группын удирдлагын багийн бүрэлдэхүүнд "Баг бүрдүүлэлт" болон "Удирдагчийн ур чадвар" сэдвийн хүрээнд сургалт семинар зохион байгууллаа.